ВО ТЕК Е ЈАВЕН ОГЛАС ЗА АНГАЖИРАЊЕ ЛИЦА ЗА ВРШЕЊЕ ЈАВНИ РАБОТИ ВО 2026 ГОДИНА

Јавното претпријатие за комунални дејности на Општина Аеродром информира дека е во тек јавен оглас за изразување интерес за ангажирање лица за вршење јавни работи во текот на 2026 година.

Со огласот се повикуваат сите евидентирани невработени лица, социјално загрозени лица и пензионери што сакаат да се вклучат во активности од јавен интерес на територијата на Општина Аеродром.

Ангажираните лица ќе бидат вклучени во следните активности:

·         одржување на јавната чистота (чистење јавни површини, празнење на канти за отпад, собирање лисја и гранки и сл.);

·         одржување на зелените површини и на парковите (косење трева и хортикултурни активности);

·         одржување улици, пешачки патеки и тротоари;

Заинтересираните кандидати треба да пополнат и поднесат пријава во aрхивата на Јавното претпријатие во просториите на Општина Аеродром. Образецот може да се подигне во просториите на Општина или да се преземе електронски од официјалната веб-страница на следниов линк:
http://aerodrom.gov.mk/vest/9540

Повеќе информации можат да се добијат и на телефонскиот број: 072 270 886.

Општина Аеродром продолжува со унапредување на јавната хигиена, одржување на зеленилото и создавање поквалитетна, почиста и поуредена животна средина за сите граѓани.

4.3.2026 година

Општина Аеродром