Антонио Петковски
Антонио Петковски е роден на 8.1.1986 година во Скопје. Основно образование завршува во ООУ „Лазо Ангеловски“ - Ново Лисиче, а средно образование во СЕТУ „Михајло Пупин“.
Дипломира на Природно-математичкиот факултет во Скопје на Институтот за географија, насока туризам. Во периодот од 2004 до 2012 година работи во приватен сектор во областа на ИТ-технологијата. Од 2012 до 2015 година е вработен во Деканатот на Природно-математичкиот факултет. Од 2015 година е вработен во ЈП „Национална радиодифузија“.
Петковски има организирано и учествувано на повеќе работилници и едукативни семинари од областа на ИТ, локална самоуправа и туризам.
Исто така, тој е актуелен претседател на синдикалната организација на ЈП „Национална радиодифузија – Скопје“ и има учествувано на повеќе синдикални семинари.
На локалните избори во 2021 година стана советник, а на 15.7.2024 година е избран за претседател на Советот на Општина Аеродром.
23-12-24
Со гордост најавуваме дека Општина Аеродром е дел од новиот проект за Car Sharing, реализиран како партнерство Владата и компанијата Авант Кар Македонија, со седиште во Словенија. Овој иновативен пилот-проект е дизајниран да го направи патувањето низ градот поекономично, поефикасно и поеколошко.