Општина Аеродром ја информира јавноста дека одржувањето на јавните зелени површини во голема мера е под надлежност на Град Скопје, односно на ЈП „Паркови и зеленило“, но со жалење мораме да констатираме дека оттаму не ги извршуваат квалитетно своите обврски на ниво на нашата територија.

Општина Аеродром во текот на вчерашниот ден до Основното јавно обвинителство од Скопје достави кривична пријава против непознат сторител. Кривичната пријава се однесува за согорување отпад на отворен простор на територија надвор од границите на општината.

Со садење зелени садници, градоначалникот на Општина Аеродром, Тимчо Муцунски и претседателот на советот Дејан Митески, официјално го пуштија во употреба новиот парк „23 Октомври“ лоциран во Стар Аеродром.

На јавен настан кој се одржа денеска, на Општина Аеродром и беше доделена награда „Највело општина”, избрана од страна на граѓаните на јавна анкета која беше спроведена од страна на Здружението на граѓани „Центар за одржливи иницијативи“ и неформалната групата ентузијасти „НаТочак“.

По пријавите и реакциите од страна на граѓаните за непријатен миризба од запален отпад кој се шири на територијата на Општина Аеродром, општинските инспекциски служби излегоа на терен при што констатираа дека станува збор за согорување отпад од депонија што не се наоѓа на територијата на општината.

Утрово, комуналните инспектори на Општина Аеродром изрекоа прекршочна казна за правно лице, приватна компанија која спротивно на законите и без дозвола од општина, одложувала отпад на локација која не е определена за таа намена. Санкцијата е изречена согласно член 14 од Законот за јавна чистота.

Како резултат на зачестените барања на граѓаните од минатите години, пред неколку месеци во Аеродром почна примената на новиот концепт за одржување на хигиената на јавните површини во општината. Преку успешно воспоставен модел и во постојана комуникација со жителите на Аеродром, започнавме систематски да ги решаваме локалните проблеми поврзани со одржување на зеленилото и чистење на депониите и отпадот во целата општина.

Добрите одлуки и политики се оние кои даваат конкретни резултати, а граѓаните тоа го препознаваат. Водени од идејата за решавање на проблемите кои се посочуваат, преземавме конкретни чекори и го имплементиравме системот кој на долг рок го решава прашањето поврзано со чистотата во сите населени места.

Општина Аеродром минатата недела успешно започна со имплементација на новиот концепт за одржување на јавната хигиена. Концепт кој подразбира зголемен капацитет на работници и механизација и истиот веќе дава сериозни резултати во нашите напори за обезбедување позелена и почиста општина.