Општина Аеродром објави оглас за спроведување постапка за јавна набавка за изведување градежни работи за доградба и надградба на детската градинка „Изворче“. Станува збор за проект кој градоначалникот Тимчо Муцунски го најави на крајот на минатата година, а кој започна да се реализира на почетокот на оваа. Со ова се решава проблемот со згрижувањето на дечињата во најнаселениот дел од општина Аеродром.
„Предизвиците во делот на социјалната грижа и заштита ги решаваме со нова капитална инвестиција. Станува збор за доградба и надградба на детската градинка „Изворче“ со дополнителна површина од 1600 квадратни метри и капацитет за згрижување на уште 200 дечиња“, истакна градоначалникот Муцунски во видео објавено на неговата Фејсбук страна. Освен доградбата и надградбата на детската градинка „Изворче“, во следниот период планирано е да започне и постапката за доградба и надградба на основното училиште „Блаже Конески“. Линк до видеото:
https://www.facebook.com/TimcoMucunski/posts/pfbid0hpxo9iEqenwYUmixKG8abSXQ7UsiBK39kncJJi4yRp4kdd8ghvMi8wBRjputsZnol
12.01.2024
Општина Аеродром
26-07-24
Општина Аеродром ги поканува граѓаните на свечениот настан што ќе се одржи утре, 27 јули, на кој ќе се испратат коњаниците од Илинденскиот марш до славното Крушево, каде што на 2 август ќе се приклучат кон одбележувањето на големиот празник Илинден.