Од минатиот викенд жителите на Општина Аеродром повторно ги користат бесплатните термини за тенис на тениските терени покрај хотелот „Русија“, со кои стопанисува Тениската академија „Аеродром“.
Засега, во согласност со препораките на Владата, бесплатни термини има само во сабота и тоа од 09:00, 12:00, 13:00, 14:00 и 16:00 часот, додека недела е неработен ден.
Бесплатниот час трае 50 минути, со цел да се направи дезинфекција за следните корисници. Корисниците на бесплатните термини мора да си носат сопствени топчиња и рекети за тенис, а на еден терен може да игра само една двојка, а не и „дабл“ како претходно, заради одржување дистанца.
Тениската академија, која има обезбедено и средства за дезинфекција на влезот, апелира граѓаните што играат тенис да ги почитуваат препораките на Владата и најавува дека тие будно ќе се следат и понатаму и соодветно ќе се реагира.
Термин
Игралиште број 1
Игралиште број 2
сабота
09:00 - 10:00
Тане Димовски
Никола Данев
12:00 - 13:00
Лина Николовска
Никола Николовски
Горан Наумовски
13:00 - 14:00
14:00 - 15:00
Дарко Димитровски
Дејан Трајков
16:00 - 17:00
08-04-24