Се расчистува депонијата во Горно Лисиче

 Градоначалникот на Општина Аеродром, Златко Марин, денеска изврши увид во активностите при расчистувањето на огромната дива депонија создадена кај стадионот во Горно Лисиче.

            Акцијата ја спроведуваат Општина Аеродром и ЈП „Комунална хигиена, кои со тешка механизација го расчистуваат теренот од секаков шут. Акцијата ќе трае неколку дена и притоа се предвидува да бидат собрани околу 1 500 м³ отпад.

            Градоначалникот Марин и Општина Аеродром апелираат до граѓаните совесно и правилно да го фрлаат отпадот, со цел да се спречи создавање на нови диви депонии. Во наредниот период ќе се засили инспекцискиот надзор, како и казнувањето за фрлање отпад, палење пластика, железо и слично. Заштитата на животната средина зависи од сите нас и само со совесно и одговорно однесување ќе му дадеме почист лик на Аеродром.

            19.11.2019 година

            Општина Аеродром