Денеска почна асфалтирањето на прекопите на главната улица во Долно Лисиче, на која во изминатите неколку месеци беше извршена реконструкција на водоводната мрежа и изградба на атмосферска канализација.
Со тоа Долно Лисиче ја доби првата атмосферска канализација во должина од околу 2 километри, која е од витално значење за жителите од овој дел на општина Аеродром, затоа што овозможува собирање и одведување на атмосферските води во реката Вардар. Со реконструкцијата на водоводната мрежа, пак, се овозможи непречен проток и поголем притисок на водата за домаќинства, како и решавање на недостигот од вода во летниот период.
Општина Аеродром изразува разбирање за револтот што се појави во меѓувреме кај граѓаните поради неможноста непречено да ја користат оваа фреквентна делница и кулминираше со најава за блокада на патот. Се надеваме дека со денешното асфалтирање конечно ќе им стави крај на неколкумесечните сообраќајни непријатности на граѓаните.
26.10.2017
Општина Аеродром
08-04-24