Деновиве продолжува проектот за реконструкција на уште 4 фасади во Општина Аеродром.
Станува збор за улиците „Петар Ацев“ број 22 и 15, „23 Октомври“ број 12 и булеварот „Видое Смилевски Бато“ број 23.
Инаку, проектот за реконструкција на фасадите, по барање на жителите, почна минатата година со изработка на проекти за промена на фасадите на 18 згради, од кои во првата фаза до сега се променети фасадите на 7 згради, а до крајот на годината се очекува да се опфатат уште споменатите 4 згради.
Средствата за реконструкција на фасадите се обезбедени од Буџетот на Општина Аеродром.
Проектот ќе продолжи и во наредните години додека не се заменат фасадите на сите оштетени згради, а со тоа не само што ќе се подобри нивниот изглед, туку граѓаните ќе добијат и енергетски ефикасни домови и ќе заштедат на нивно загревање.
20.9.2017
Општина Аеродром
22-03-24
Општина Аеродром, „Нула отпад“ и „Капитол мол“ и оваа година ја почнуваат заедничката екомисија насловена „Е-капитолијада“, односно избор на најдобра екомаска, која има цел да ја подигне јавната свест за заштита на природата и здравјето на луѓето.